Түркістан облысының Адами әлеуетті дамыту басқармасы Ғ. Мұратбаев атындағы Жетісай гуманитарлық- техникалық колледжі Қазақстан Республикасы Білім және ғылым министрінің 2020 жылғы 13 тамызда №345 бұйрығына енгізілген өзгерістер мен толықтыруларын басшылыққа ала отырып, 2021 жылдың 25 қаңтарынан бастап 1 курс студенттерін аралас форматта оқытуды жүргізіп келеді. Сабақтың 70% штаттық, 30% қашықтан оқыту режимінде өткізілуде. Сабақты ұйымдастыру барысында санитарлық-эпидемологиялық талаптар қатаң сақталуда. Студенттердің білімге деген құштарлығын арттыру мақсатында ұстаздар сабақтың жоғары дәрежеде ұйымдастырылуын басты назарға алған.
