Қазақстан Республикасына деген әрбір азаматтың мақтаныш сезімі жоғары. Ата – бабаларымыздың ғасырлар бойы аңсап өткен Тәлсіздікке қол жеткізгелі бері еліміз талай – талай асқарлы асуларды бағындырды.
Биыл 13 жылдан соң 25-қазан Республика күні ретінде қайта бекітілді. Республика күніне Ұлттық мереке мәртебесі берілді. Ғ.Мұратбаев атындағы Жетісай гуманитарлық – техникалық колледжінде Республика күніне орай тәрбие сағаттары өтті. Сонымен қатар «Тазалық – саулық негізі» тақырыбы аясында студенттер сенбілікке шықты.Қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен студенттер сенбілік шарасына белсене араласты. Бұл шаралар білім алушылардың өз Отанын сүйюге, қоршаған ортаның тазалығын сақтауға, туған халқының тілін, мәдениетін қастерлейтін саналы да парасаты азаматтар болып тәрбиеленуіне септігін тигізеді.
