Ғ. Мұратбаев атындағы Жетісай гуманитарлық – техникалық колледжінде 1 қыркүйек – Білім күніне арналған алғашқы қоңырау салтанаты «Білімнің басты құндылықтары: отаншылдық, білімге құштарлық, еңбекқорлық » тақырыбында аталып өтті. Мерекелік іс – шараны колледж директоры, п.ғ.к Л. А. Баймаханова ашып, барша ұстаздар мен студенттерді жаңа оқу жылының басталуымен құттықтады. Келесі кезекте сөз алған ұлағатты ұстаздар мен ата – аналар да ақ көңілден ақ тілектерін ағытып, колледжге деген құрметін танытып жатты. Сазды бағдарламада әсем би мен жүрек тебірентер әндер орындалып, жиынға қатысушыларға жоғарғы көңіл күй сыйлады.
