Түркістан облысының Адами әлеуетті дамыту басқармасы Ғ.Мұратбаев атындағы Жетісай гуманитарлық-техникалық колледжі облыс аумағында Наурыз мерекесін атап өтудің онкүндік жоспарына сәйкес 17 наурыз күні «Тарих күнін» жоғары деңгейде атап өтті. Қоғамдық ғылым негіздері кафедрасы оқытушыларының ұйымдастыруымен «Туған өлкем-Жетісайым» тарихи танымдық кеш өткізілді.Кеште өлкеміз жайлы кең мағлұмат алған студенттер іс-шарадан кейін «Сырдария» университетіндегі тарихи мұражаймен танысты.Тарихтың тереңіне бойлаған тағлымды жастар ғана ел алдындағы перзенттік парызға адалдық танытады.
